இந்நிலையில், நேற்று காலை, 7:10 மணிக்கு மேட்டுப்பாளையத்தில் இருந்து, 200 சுற்றுலா பயணியருடன் புறப்பட்ட மலை ரயில், கல்லார் அருகே, 6வது கி.மீ., பகுதியில் திடீரென, இன்ஜின் 'வீல் ராடு' உடைந்து நின்றது. தொடர்ந்து, மேட்டுப்பாளையத்தில் இருந்து வரவழைக்கப்பட்ட, மாற்று இன்ஜினில் மலை ரயிலை இணைத்து, 9:30 மணிக்கு புறப்பட்டது.

இரண்டு மணிநேரம் தாமதமாக, பகல், 12:15 மணிக்கு குன்னுார் வந்த மலை ரயில், ஊட்டிக்கு மதியம், 1:30 மணிக்கு சென்று சேர்ந்தது. இதனால், சுற்றுலா பயணியர் சோர்வடைந்தனர்.