குன்னுார் தாலுகா உலிக்கல் ட்ரூக் பகுதியில் உள்ள ரேஷன் கடையில், எஸ்.சி., மற்றும் எஸ்.டி., பழங்குடியின மக்கள் ரேஷன் பொருட்களை வாங்கி வருகின்றனர்.

ஒதுக்கீடு குறைவு காரணமாக, மாதம்தோறும் இறுதி நாட்களில் சென்று வாங்கும் கார்டுதாரர்களுக்கு பாமாயில் மற்றும் பருப்பு கிடைக்காமல் ஏமாற்றம் அடைந்தனர். இது தொடர்பான செய்தி, 'தினமலர்' நாளிதழில் வெளியானது.

தொடர்ந்து மாவட்ட நிர்வாகத்தின் உத்தரவின் பேரில் வட்ட வழங்கல் அதிகாரிகள் முழு ஒதுக்கீடு செய்ய நடவடிக்கை எடுத்தனர்.

இதே போல, குன்னார் பகுதிகளில் ஒதுக்கீடு குறைவாக உள்ள ரேஷன் கடைகளிலும் முழு ஒதுக்கீடு வழங்க நடவடிக்கை எடுத்துள்ளதாக, வட்ட வழங்கல் துறையினர் தெரிவித்துள்ளனர்.