கூடலுார் புதிய பஸ் நிலையத்தில் இருந்து பிரிந்து செல்லும் தேவர்சோலை சாலை, கேரள மாநிலம் வயநாடு சுல்தான் பத்தேரியை இணைகிறது. இதனால், இச்சாலையில், உள்ளூர் வாகனங்கள் மட்டுமின்றி வெளி மாநில வாகனங்களும் அதிகளவில் இயங்கி வருகின்றன.

இச்சாலையில், 2வது மைல் முதல், தமிழக கேரளா எல்லையான பாட்டாவயல் வரை, பல இடங்களில் குறிப்பாக வளைவான பகுதிகளில், செடிகள், முட்புதர்கள் வளர்ந்து வாகன போக்குவரத்துக்கு இடையூறு ஏற்படுத்தி வருகிறது. எனினும், இதனை அகற்ற நெடுஞ்சாலை துறையினர் எந்த நடவடிக்கையும் எடுக்கவில்லை. ஓட்டுனர்கள் அச்சத்துடன் வாகனங்களை இயக்கி வருகின்றனர்.

நெடுஞ்சாலைத் துறையின் அலட்சியத்தால் அதிருப்தி அடைந்துள்ள ஓட்டுனர்கள் கூறுகையில்,'கூடலுாரில் இருந்து பிரிந்து கேரளா சுல்தான் பத்தேரியுடன் இன்னைக்கும் இச்சாலையில் ஏராளமான சிறிய வளைவுகள் உள்ளன. சாலையில், வளர்ந்துள்ள முட்புதர்களால் வாகன விபத்தை ஏற்படும் ஆபத்து உள்ளது. பெரும் விபத்து ஏற்படும் முன், இவைகளை அகற்ற நெடுஞ்சாலை துறையினர் நடவடிக்கை எடுக்க வேண்டும்,' என்றனர்.