குன்னுார் தேயிலை ஏல மையத்தில், கடந்த வாரம் நடந்த, 25வது ஏலத்தில், '18.78 லட்சம் கிலோ இலை ரகம்; 6.08 லட்சம் கிலோ டஸ்ட் ரகம்,' என, மொத்தம், 24.86 லட்சம் கிலோ ஏலத்திற்கு வந்தது. அதில், '14.38 லட்சம் கிலோ இலை ரகம்; 4.07 லட்சம் கிலோ டஸ்ட் ரகம்,' என, மொத்தம், 18.45 லட்சம் கிலோ விற்பனையானது. 74.21 சதவீதம் விற்றது. சராசரி விலை கிலோவிற்கு, 98.82 ரூபாய் என இருந்தது. சராசரி விலையில் கிலோவிற்கு, 4 ரூபாய் சரிந்தது. மொத்த வருமானம், 18.23 கோடி ரூபாய் கிடைத்தது. கடந்த ஏலத்தை ஒப்பிடுகையில், வரத்து அதிகரித்து, விலை வீழ்ச்சி ஏற்பட்ட நிலையில் விற்பனை சற்று உயர்ந்தது.

'டீசர்வ்' மைய ஏலம்

நீலகிரி கூட்டுறவு தொழிற்சாலைகளில் உற்பத்தி செய்யும் தேயிலை துாள், டீசர்வ் மைய ஏலத்தில், 1.87 லட்சம் கிலோ விற்பனைக்கு வந்தது. அதில், 1.35 லட்சம் கிலோ என, 72.23 சதவீதம் விற்பனையாகியது. சராசரி விலை, 89.52 ரூபாயாக இருந்தது; 1.21 கோடி ரூபாய் மொத்த வருவாய் கிடைத்தது.

கோவை ஏல மையத்தில் வந்த ஏலத்தில், 5.23 லட்சம் கிலோ வந்ததில், 3.88 லட்சம் கிலோ, விற்பனையானது. சராசரி விலை, 126.34 ரூபாய் என இருந்தது. 4.90 கோடி ரூபாய் மொத்த வருவாய் கிடைத்தது.

கொச்சி ஏல மையத்தில், 11.27 லட்சம் கிலோ விற்பனைக்கு வந்ததில், 9.31 லட்சம் கிலோ விற்பனையானது. சராசரி விலை, 150.84 ரூபாய் என இருந்தது. 14.05 கோடி ரூபாய் மொத்த வருவாய் கிடைத்தது.

தென் மாநில அளவில், 38.39 கோடி ரூபாய் மொத்த வருவாய் கிடைத்த நிலையில், கடந்த ஏலத்தை விட, 1.20 கோடி ரூபாய் மொத்த வருவாய் சரிந்தது.