தென் மாநில தேயிலை ஏல மையங்களில் நடந்த தேயிலை ஏலங்களில், 35.86 கோடி ரூபாய் மொத்த வருவாய் கிடைத்தது.

குன்னுார் தேயிலை ஏல மையத்தில், கடந்த வாரம் நடந்த, 30வது ஏலத்தில், '16.86 லட்சம் கிலோ இலை ரகம்; 5.16 லட்சம் கிலோ டஸ்ட் ரகம்,' என, மொத்தம், 22.02 லட்சம் கிலோ ஏலத்திற்கு வந்தது. 2.26 லட்சம் கிலோ வரத்து குறைந்தது.

அதில், '12.93 லட்சம் கிலோ இலை ரகம்; 3.99 லட்சம் கிலோ டஸ்ட் ரகம்,' என,மொத்தம், 16.91 லட்சம் கிலோ விற்பனையானது. 76.79 சதவீதம் விற்றது.

சராசரி விலை கிலோவிற்கு, 91.76 ரூபாய் என இருந்தது. சராசரி விலையில் கிலோவிற்கு, 1.75 ரூபாய் உயர்ந்தது. மொத்த வருமானம், 15.52 கோடி ரூபாய் கிடைத்தது.

கடந்த ஏலத்தை ஒப்பிடுகையில், 2.26 லட்சம் கிலோ வரத்தும், 76 ஆயிரம் கிலோ விற்பனையும் சரிந்தது.

டீசர்வ் ஏலம் நீலகிரி, கூட்டுறவு தொழிற்சாலைகளில் உற்பத்தி செய்யும் தேயிலை துாள், 'டீசர்வ்' ஏல மைய ஏலத்தில், 1.99 லட்சம் கிலோ வந்ததில், 1.71 லட்சம் கிலோ விற்பனையாகியது.

சராசரி விலை கிலோவிற்கு, 80.06 ரூபாயாக இருந்தது; கிலோவிற்கு, 44 பைசா குறைந்தது. கடந்த ஏலத்தை விட, 34 ஆயிரம் கிலோ விற்பனை சரிந்தது. 1.38 கோடி ரூபாய் மொத்த வருவாய் கிடைத்தது.

கோவை ஏல மையத்தில் நடந்த ஏலத்தில், 5.77 லட்சம் கிலோ வந்ததில், 4.76 லட்சம் கிலோ விற்பனையானது. சராசரி விலை கிலோவிற்கு, 113.72 ரூபாயாக இருந்தது. கிலோவிற்கு, 2 ரூபாய் குறைந்தது. கடந்த ஏலத்தை விட, 38 ஆயிரம் கிலோ விற்பனை குறைந்தது. 5.41 கோடி ரூபாய் மொத்த வருவாய் கிடைத்தது.

கொச்சி ஏல மையத்தில், 10.08 லட்சம் கிலோ வந்ததில், 8.84 லட்சம் கிலோ விற்பனையானது. சராசரி விலை, 153.24 ரூபாய் என இருந்தது.

66 ஆயிரம் கிலோ வரத்து குறைந்தது. 13.55 கோடி ரூபாய் மொத்த வருவாய் கிடைத்தது. கிலோவிற்கு 2 ரூபாய் சரிந்தது.

தென் மாநில அளவில், 35.86 கோடி ரூபாய் மொத்த வருவாய் கிடைத்தது. கடந்த வாரத்தை விட 61 லட்சம் ரூபாய் மொத்த வருவாய் குறைந்தது.