குன்னுார் தேயிலை ஏல மையத்தில், கடந்த வாரம் நடந்த, 11வது ஏலத்தில், '10.49 லட்சம் கிலோ இலை ரகம்; 2.93 லட்சம் கிலோ டஸ்ட் ரகம்,' என, மொத்தம், 13.42 லட்சம் கிலோ ஏலத்திற்கு வந்தது. '9.57 லட்சம் கிலோ இலை ரகம்; 2.74 லட்சம் கிலோ டஸ்ட் ரகம்,' என, மொத்தம், 12.31 லட்சம் கிலோ விற்பனையானது; 91.74 சதவீதம் விற்றது.

சராசரி விலை கிலோவிற்கு, 119.64 ரூபாய் என இருந்தது. 1.10 லட்சம் கிலோ தேக்கமானது. மொத்த வருமானம், 14.73 கோடி ரூபாய் கிடைத்தது. ஒரே வாரத்தில், 1.08 கோடி ரூபாய் மொத்த வருமானம் குறைந்தது.

கூட்டுறவு தொழிற்சாலைகளில் உற்பத்தி செய்யும் தேயிலை துாள்கள் 'டீசர்வ்' மையத்தில் ஏலம் விடப்படும் நிலையில், 11வது ஏலத்திற்கு, '98 ஆயிரத்து 209 கிலோ வந்தது; 94 ஆயிரத்து 12 கிலோ,' என, 95.73 சதவீதம் விற்றது. சராசரி விலை கிலோவிற்கு, 117.60. ரூபாயாக இருந்தது. 1.11 கோடி ரூபாய் மொத்த வருமானம் கிடைத்தது. இரு ஏல மையங்களில் சேர்த்து, 15.84 கோடி ரூபாய் மொத்த வருமானம் கிடைத்தது. கேரள மாநிலம் கொச்சி ஏல மையத்தில்,9.08 லட்சம் கிலோ வந்ததில், 8.69 லட்சம் கிலோ விற்பனையானது. 14.63 கோடி ரூபாய் மொத்த வருமானம் கிடைத்தது. சராசரி விலை கிலோவிற்கு 168.40 ரூபாய் என இருந்தது. கடந்த, 2 வாரங்களாக கோவை ஏல மையத்தில் ஏலங்கள் நடத்தப் படவில்லை.

தென் மாநிலங்களில் உள்ள, 3 ஏல மையங்களில் நடந்த தேயிலை ஏலங்களில், 30.47 கோடி ரூபாய் மொத்த வருமானம் கிடைத்தது.