குன்னுார் தேயிலை ஏல மையத்தில், கடந்த வாரம் நடந்த, 27வது ஏலத்தில், '20.72 லட்சம் கிலோ இலை ரகம்; 6.05 லட்சம் கிலோ டஸ்ட் ரகம்,' என, மொத்தம், 26.77 லட்சம் கிலோ ஏலத்திற்கு வந்தது.

அதில், '13.15 லட்சம் கிலோ இலை ரகம்; 4.22 லட்சம் கிலோ டஸ்ட் ரகம்,' என, மொத்தம், 17.37 லட்சம் கிலோ விற்பனையானது. சராசரி விலை கிலோவிற்கு, 94.82 ரூபாயாக இருந்தது. சராசரி விலையில் கிலோவிற்கு, 2 ரூபாய் சரிந்தது. மொத்த வருமானம், 16.47 கோடி ரூபாய் கிடைத்தது.

கடந்த ஏலத்தை ஒப்பிடுகையில், வரத்து அதிகரித்த போதும், விற்பனையில் ஏற்றம் காணாமல் சமநிலையில் இருந்தது. விலை வீழ்ச்சியால், 36 லட்சம் ரூபாய் மொத்த வருவாய் சரிந்தது.

டீசர்வ் ஏலம்

நீலகிரி கூட்டுறவு தொழிற்சாலைகளில் உற்பத்தி செய்யும் தேயிலை துாள், 'டீசர்வ்' மையத்தில் ஏலம் விடப்பட்டது. அதில், 2.27 லட்சம் கிலோ வந்ததில், 1.16 லட்சம் கிலோ விற்பனையானது.

சராசரி விலை, 87.80 ரூபாயாக இருந்தது. கிலோவிற்கு ஒரு ரூபாய் சரிந்தது. 49 சதவீதம் தேக்கம் அடைந்தது. 1.02 கோடி ரூபாய் மொத்த வருவாய் கிடைத்தது. கடந்த வாரத்தை விட, 20 ஆயிரம் ரூபாய் சரிந்தது.

இதேபோல, கோவை ஏல மையத்தில் நடந்த ஏலத்தில், 5.61 லட்சம் கிலோ வந்ததில், 3.97 லட்சம் கிலோ விற்பனையானது. சராசரி விலை கிலோவிற்கு, 120.91 ரூபாயாக இருந்தது; 4.80 கோடி ரூபாய் மொத்த வருவாய் கிடைத்தது. 31 லட்சம் ரூபாய் மொத்த வருமானம் குறைந்தது.

கொச்சி ஏல மையத்தில், 10.41 லட்சம் கிலோ வந்ததில், 9 லட்சம் கிலோ விற்பனையானது.

சராசரி விலை, கிலோவுக்கு, 154.32 ரூபாய் என இருந்தது. 13.89 கோடி ரூபாய் மொத்த வருவாய் கிடைத்தது. சராசரி விலை கிலோவிற்கு, 2 ரூபாய் உயர்ந்தது, மொத்த வருவாய், 58 லட்சம் ரூபாய் உயர்ந்தது. தென் மாநில அளவில், 36.18 கோடி ரூபாய் மொத்த வருவாய் கிடைத்தது.