குன்னூர் தேயிலை ஏல மையத்தில் நடந்த, 48வது ஏலத்தில், 15.17 லட்சம் கிலோ இலை ரகம், 3.98 லட்சம் கிலோ டஸ்ட என, 19.15 லட்சம் கிலோ ஏலத்திற்கு வந்தது. 14.32 லட்சம் கிலோ இலை ரகம், 3.26 கிலோ டஸ்ட்ராகம் என மொத்தம் 17.23 லட்சம் கிலோ விற்றது.

சராசரி விலை கிலோவிற்கு, 112.26 ரூபாய் என இருந்தது. மொத்த வருவாய், 19.74 கோடி ரூபாய் கிடைத்தது. சராசரி விலை கிலோவிற்கு 56 பைசா மட்டுமே உயர்ந்தது.

கடந்த ஏலத்தில், 20.41 லட்சம் கிலோ வந்ததில், 19.23 லட்சம் கிலோ விற்று, 21.49 கோடி ரூபாய் வருவாய் இருந்த நிலையில், இந்த ஏலத்தில், 1.26 லட்சம் கிலோ வரத்து, 2 லட்சம் கிலோ விற்பனை சரிந்து, 1.75 கோடி ரூபாய் வருவாய் குறைந்தது.

குன்னுார் டீ சர்வ் ஏலம் குன்னூர் டீசர்வ் மையத்தில் ஏலத்திற்கு வந்த, 1.07 லட்சம் கிலோ 1.05 லட்சம் கிலோ விற்றது. சராசரி விலை கிலோவிற்கு, 105.24 ரூபாயாக இருந்தது; 1.11 கோடி ரூபாய் மொத்த வருவாய் கிடைத்தது.

கடந்த ஏலத்தில், 1.15 லட்சம் கிலோ வந்ததில் 100 சதவீதம் விற்று, மொத்த வருவாய், 1.19 கோடி ரூபாயாக இருந்த நிலையில், இந்த ஏலத்தில், 8 ஆயிரம் கிலோ குறைந்து 8 லட்சம் ரூபாய் வருவாய் சரிந்தது.

கோவை ஏல மையத்தில், 4.84 லட்சம் கிலோ வந்ததில், 4.05 லட்சம் கிலோ என 83.63 சதவீதம் விற்றது. சராசரி விலை, 136.84 ரூபாய் என இருந்தது. 5.55 கோடி ரூபாய் மொத்த வருவாய் கிடைத்தது.

கடந்த ஏலத்தில் 5.26 லட்சம் கிலோ வந்ததில், 4.69 லட்சம் கிலோ விற்பனையாகி, 6.30 கோடி ரூபாயாக வருவாய் இருந்த நிலையில், 42 ஆயிரம் கிலோ வரத்து, 64 ஆயிரம் கிலோ விற்பனை சரிந்து, 75 லட்சம் ரூபாய் வருவாய் குறைந்தது. எனினும், கிலோவிற்கு, 2.66 ரூபாய் ஏற்றம் கண்டது.

கொச்சி ஏல மையம் கொச்சி ஏல மையத்தில், 9.81 லட்சம் கிலோ வந்ததில், 8.95 லட்சம் கிலோ என 91.23 சதவீதம் விற்றது. சராசரி விலை, 166.72 ரூபாய் என இருந்தது. 14.93 கோடி ரூபாய் மொத்த வருவாய் கிடைத்தது.

கடந்த ஏலத்தில், 10.74 லட்சம் வந்ததில், 10.15 லட்சம் கிலோ விற்று, 17.20 கோடி ரூபாய் வருவாய் இருந்த நிலையில், இந்த ஏலத்தில், 93 ஆயிரம் கிலோ வரத்தும், 1.20 லட்சம் கிலோ விற்பனையும் சரிந்து,மொத்த வருமானமும் 2.27 கோடி ரூபாய் குறைந்தது.

கிலோவிற்கு ரூ.1.72 வீழ்ச்சி கண்டது.

தென் மாநில அளவில் இந்த 4 தேயிலை ஏலங்களிலும், 41 கோடி ரூபாய் மொத்த வருவாய் கிடைத்தது.

கடந்த 47வது ஏலத்தில், வரத்து, விலை, விற்பனையில் ஏற்றம் கண்டு, இந்த ஆண்டில் அதிகபட்சமாக 46.18 கோடி ரூபாய் மொத்த வருவாய் கிடைத்த நிலையில், இந்த ஏலத்தில், 4.85 கோடி ரூபாய் மொத்த வருவாய் குறைந்தது.