நீலகிரி மாவட்டம், குன்னுார் தேயிலை ஏல மையத்தில் நடந்த, 6வது ஏலத்தில், 8.62 லட்சம் கிலோ தேயிலை வந்ததில், 8.0 லட்சம் கிலோ (92.80 சதவீதம்) விற்பனையானது. சராசரி விலை கிலோவுக்கு, 116.34 ஆக இருந்தது. 9.31 கோடி ரூபாய் மொத்த வருவாய் கிடைத்தது.

டீசர்வ் ஏலம் ' டீசர்வ்' மையத்தில், 86 ஆயிரத்து 57 கிலோ ஏலத்துக்கு வந்ததில், 100 சதவீதம் விற்பனையாகியது. சராசரி விலை கிலோவுக்கு, 110 ரூபாய் 98 பைசா என இருந்தது. 95.51 லட்சம் ரூபாய் மொத்த வருவாய் கிடைத்தது.

கோவை மையத்தில் நடந்த ஏலத்தில், 3.61 லட்சம் கிலோ வரத்து இருந்த நிலையில், 3.20 லட்சம் கிலோ (88.59 சதவீதம்) என விற்றது.

சராசரி விலை கிலோவுக்கு, 158.91 ரூபாயாக இருந்தது. இதன் மொத்த வருவாய், 5.08 கோடி ரூபாயாகும்.

கொச்சி மையத்தில் நடந்த ஏலத்தில், 7.72 லட்சம் கிலோ வரத்து இருந்தது. 7.36 லட்சம் கிலோ (95.38 சதவீதம்) விற்றது.

சராசரி விலையாக கிலோவுக்கு, 182 ரூபாய் இருந்தது. இதன் மொத்த வருவாய் 13.41 கோடி ரூபாயாகும்.

மொத்த வருவாய் தென் மாநில அளவில் மொத்தமாக நடந்த, 6வது ஏலத்தில், 20 லட்சத்து 82 ஆயிரத்து 77 கிலோ வரத்து இருந்த நிலையில், 19 லட்சத்து 431 கிலோ (93.33 சதவீதம்) தேயிலை விற்பனையானது. மொத்த வருவாய் 28.76 கோடி ரூபாயாக இருந்தது.

கடந்த, 5வது ஏலத்தில், 21.72 லட்சம் கிலோ வரத்து இருந்த நிலையில், 18.99 லட்சம் கிலோ தேயிலை விற்பனையானது. மொத்த வருவாய், 28.72 கோடி ரூபாய் என இருந்தது.

இந்த ஏலத்தை ஒப்பிடுகையில், 6வது ஏலத்தில், தேயிலை வரத்து, 90 ஆயிரம் கிலோ குறைந்தது. எனினும், கடந்த வாரத்தை விட, 44,000 கிலோ அதிகமாக விற்பனை ஆகியது.

மொத்த வருவாயில் 4 லட்சம் ரூபாய் அதிகரித்துள்ளது.