நீலகிரி மாவட்டம், குன்னூர் தேயிலை ஏல மையத்தில், நடந்த, 42வது ஏலத்தில், 12.69 லட்சம் கிலோ இலை ரகம்; 4.47 லட்சம் கிலோ டஸ்ட் ரகம் என, மொத்தம், 17.16 லட்சம் கிலோ ஏலத்திற்கு வந்தது.

11.54 லட்சம் கிலோ இலை ரகம்; 3.49 லட்சம் கிலோ டஸ்ட் ரகம் என, மொத்தம், 15.03 லட்சம் கிலோ விற்றது. இது 87.61 சதவீதமாகும். சராசரி விலை கிலோவிற்கு, 99.63 ரூபாய் என இருந்தது. மொத்த வருமானம், 14.97 கோடி ரூபாய் கிடைத்தது.

கடந்த வார ஏலத்தை விட, 1.97 லட்சம் கிலோ விற்பனை சரிந்தது ; ஒரே வாரத்தில், 1.49 கோடி ரூபாய் வருவாய் குறைந்தது. எனினும், சராசரி விலையில் கிலோவிற்கு, 2.79 ரூபாய் ஏற்றம் கண்டது.

நீலகிரி, கூட்டுறவு தொழிற்சாலைகளில் உற்பத்தி செய்யும் தேயிலை தூள்கள் டீசர்வ் மையத்தில் ஏலம் விடப்பட்டதில், 1.08 லட்சம் கிலோ வரத்து இருந்த நிலையில், 1.01 லட்சம் கிலோ என, 93.20 சதவீதம் விற்பனையானது.

சராசரி விலை கிலோவிற்கு, 87.35 ரூபாயாக இருந்தது; 88.30 லட்சம் ரூபாய் வருவாய் கிடைத்தது. கடந்த ஏலத்தை விட, 27 ஆயிரம் கிலோ விற்பனை குறைந்தது. 21 லட்சம் ரூபாய் வருவாய் குறைந்தது.

எனினும், கிலோவிற்கு, 2.64 லட்சம் ரூபாய் சராசரி விலை உயர்ந்தது.

கோவை, கொச்சியில் ஏற்றம் கோவை ஏல மையத்தில் நடந்த ஏலத்தில், 5.30 லட்சம் கிலோ வந்ததில், 4.29 லட்சம் கிலோ என 89.08 சதவீதம் விற்பனையானது. சராசரி விலை கிலோவிற்கு, 136.28 ரூபாய் என இருந்தது. 6.44 கோடி ரூபாய் வருவாய் கிடைத்தது. கடந்த ஏலத்தை விட, 29 ஆயிரம் கிலோ விற்பனை குறைந்தது. எனினும், சராசரி விலையில் கிலோவிற்கு 12.71 ரூபாய் என அதிகபட்சமாக உயர்ந்ததால், 78 லட்சம் ரூபாய் வருவாய் கூடுதலானது. கொச்சி ஏல மையத்தில், 9.03 லட்சம் கிலோ வந்ததில், 8.43 லட்சம் கிலோ 93.68 சதவீதம் விற்றது. சராசரி விலை, 168.47 ரூபாய் என இருந்தது. சராசரி விலையில் மாற்றம் இல்லை. 14. 21 கோடி ரூபாய் மொத்த வருவாய் கிடைத்தது. 71 ஆயிரம் கிலோ விற்பனையும் அதிகரித்தது; 1.25 கோடி ரூபாய் வருவாய் உயர்ந்தது.

இந்த முறை, கோவை, கொச்சி ஏலங்களில் ஏற்றம் கண்டதால் வருவாய் உயர்ந்தது.

தென் மாநில அளவில், குன்னுார், டீசர்வ், கோவை, கொச்சி ஆகிய நான்கு இடங்களில் நடந்த தேயிலை ஏலத்தில் 36.50 கோடி ரூபாய் வருவாய் கிடைத்தது. இது கடந்த ஏலத்தை விட, 33 லட்சம் ரூபாய் வருவாய் அதிகமாகும்.