பந்தலுாரில் வாகனங்கள் நிறுத்த போதிய வசதிகள் இல்லாத சூழலில், சாலை ஓரங்கள் வாகனங்கள் நிறுத்தும் இடமாக மாறி உள்ளன.

இதனால், பஸ் உள்ளிட்ட கனரக வாகனங்கள் வந்து செல்லும்போது போக்குவரத்து நெரிசல் ஏற்பட்டு வருகிறது. அத்துடன் சாலை ஓரங்களில் வாகனங்களை நிறுத்துவதால் பாதசாரிகளும் நடந்து செல்ல முடியாமல் சிரமப்பட்டு வருகின்றனர்.

இந்நிலையில் தாசில்தார் அலுவலக சாலையில், வாகனங்களை நிறுத்தி செல்வதால் தாசில்தார் உள்ளிட்ட அலுவலக அதிகாரிகள் மற்றும் ஊழியர்கள் வரும் வாகனங்கள் நிறுத்த இடம் இல்லாத சூழல் உருவாகி உள்ளது.

இதனால் தாசில்தார் அலுவலகம் வரும் முக்கிய அதிகாரிகள் மற்றும் ஊழியர்கள் வேறு பகுதியில் வாகனங்களை நிறுத்தி, அலுவலகத்திற்கு நடந்து வர வேண்டிய நிலை ஏற்பட்டு உள்ளது.

எனவே, நெல்லியாளம் நகராட்சி நிர்வாகம், லாரி உள்ளிட்ட வாகனங்களை நிறுத்த போதிய பார்க்கிங் வசதியை ஏற்படுத்தி தர முன் வர வேண்டும்.