பெரும்பாலான பகுதிகளில் யானைகள் நடமாட்டம் உள்ளதால், வனத்துறையினர் சுற்றுலா பயணிகள் அப்பகுதிகளுக்கு செல்ல தடை விதித்து கண்காணித்து வருகின்றனர். அங்கு செல்பவர்களை, ஒலிபெருக்கி வாயிலாக வெளி யேற்றி வருகின்றனர். நீலக்குறிஞ்சி பூத்துள்ள பகுதிக்கு செல்லும் சாலையின் நுழைவு வாயில் பகுதியில் வனத்துறையினர் தற்காலிக சோதனை சாவடி அமைத்து கண்காணித்து வருகின்றனர்.

வனத்துறையினர் கூறுகையில், 'குறிஞ்சி பூக்கள் பார்க்க செல்லும் சுற்றுலா பயணியர் யானைகளால் பாதிப்பு ஏற்படும் நிலையால், முன்னெச்சரிக்கையாக, சுற்றுலா பயணியர்களுக்கு அங்கு செல்ல தடை விதிக்கப்பட்டதுடன், தற்காலிக சோதனை சாவடி அமைத்து கண்காணித்து வருகிறோம் என்றனர்.