தாயகம் திரும்பியோர் கூட்டமைப்பின் ஒருங்கிணைப்பாளர் கந்தையா கூடலுாரில் நிருபர்களிடம் கூறுகையில்,''இந்தியா -இலங்கை உடன்படிக்கையின் படி, இந்திய குடியுரிமை கேட்பவர்களுக்கு வழங்க நடவடிக்கை எடுக்க வேண்டும்; ஆக்கிரமிப்பில், உள்ள தாயகம் திரும்பியோர் இடங்களை மீட்க வேண்டும்.

அரசு தேயிலை தோட்டங்களில் உள்ள தாயகம் திரும்பிய மக்களின் வாழ்வாதாரத்தை உறுதி செய்ய வேண்டும்; பல ஆண்டுகளாக விவசாயத்தை வாழ்வாதாரமாக கொண்ட நிலங்களுக்கு பட்டா வழங்க வேண்டும்; கல்வி, வேலை வாய்ப்புகளில் இட ஒதுக்கீடு வழங்க வேண்டும்; தாயகம் திரும்பிய மக்கள் பிரச்னைக்கு தீர்வு காண வாரியம் அமைக்க வேண்டும்,'' என்றார்.

அமைப்பின் மாவட்ட ஒருங்கிணைப்பாளர் குணசேகரன், நிர்வாகிகள் சிவகுமார், முருகன், தட்சணாமூர்த்தி, மாரிமுத்து, செல்வராஜ், சந்தானம் உடன் இருந்தனர்.