குன்னுார் டி.டி.கே., சாலையோரத்தில், ஆக்கிரமிப்புகள் உள்ளதுடன் ஆங்காங்கே வாகனங்கள் நிறுத்தப்படுகிறது. ராணுவ பகுதி, நீதிமன்றம், கால்நடை மருத்துவமனை மற்றும் பள்ளி உள்ளதால் அவ்வப்போது போக்குவரத்து பாதிப்பு ஏற்படுவதுடன், மக்கள் நடமாட சிரமப்படுகின்றனர்.

கால்நடை மருத்துவமனை அருகே பிரியும் இடத்தில், சாலையோரத்தில் பெரிய சிமென்ட் குழாய் வைக்கப்பட்டு அகற்றப்படாமல் முட்புதர்கள் சூழ்ந்துள்ளது.

நேற்று அதிகாலை, வளைவு அருகே காட்டெருமை நடந்து சென்ற நிலையில், இவ்வழியாக, குன்னுாரில் இருந்து ராணுவ பகுதிக்கு சென்ற ராணுவ அதிகாரி ஒருவரின் கார் திருப்பிய போது, இந்த சிமென்ட் குழாயில் மோதி விபத்துக்குள்ளானது. அதிர்ஷ்டவசமாக தப்பினார்.

சமூக ஆர்வலர் முபாரக் கூறுகையில், ''விபத்து அபாயம் உள்ளதால், பயனற்று கிடக்கும் வாகனங்கள் மற்றும் சாலையோரத்தில் இது போன்று உள்ள பொருட்களை அகற்ற வேண்டும்,''என்றார்.