நீலகிரி மாவட்டத்தில் வழக்கத்திற்கு மாறாக கடந்த இரு தினங்களாக மழை பெய்து வருகிறது. எதிர்பாராத நிலையில் பெய்து வரும் இந்த மழை, தேயிலை மற்றும் காய்கறி தோட்டங்களுக்கு உகந்ததாக அமைந்துள்ளது.

விவசாய நிலங்களில் ஈரப்பதம் உயர்ந்து மகசூல் அதிகரிக்க வாய்ப்புள்ளது. இந்நிலையில் நேற்று கடும் குளிருடன் மழை, மேகமூட்டமான காலநிலை நிலவியது. இதனால், கிராமப்புறங்களில் இருந்து, நகர பகுதிக்கு வரும் மக்களின் எண்ணிக்கை வெகுவாக குறைந்தது. அரசு பஸ்கள் மற்றும் வாகனங்கள் அனைத்தும் முகப்பு விளக்கு உதவியுடன் இயக்கப்பட்டன.