ஊட்டி ஹெப்ரான் பள்ளி மைதானத்தில், மாவட்ட அளவிலான ஹாக்கி போட்டி நடந்தது. அதில், பல்வேறு பள்ளிகளை சேர்ந்த அணிகள் பங்கேற்றன. அதில், கிரசன்ட் பள்ளி, 14 வயதுக்கு உட்பட்ட அணியினர், லைடுலா பள்ளி அணியுடன் விளையாடினர். அதில், 4----1 என்ற கோல் கணக்கில் வெற்றி பெற்றனர். 17 வயதுக்கு உட்பட்ட அணி பிரிவில், பிருந்தாவன் பள்ளி அணியுடன் மோதி, 3--2 என்ற கோல் கணக்கில் வெற்றி பெற்றனர்.

இதை தொடர்ந்து, பள்ளியில் நடந்த பாராட்டு விழாவில், பள்ளி தாளாளர் உமர் பரூக், பள்ளி முதல்வர் ஆல்டிரிட்ஸ் மற்றும் ஆசிரியைகள் மாணவர்களுக்கு பாராட்டு தெரிவித்தனர்.