கணவர் வெள்ளிவேலுவும், மாமனார் துரைசாமியும் தன்னை அடித்து கொடுமை படுத்தியதாக அளித்த புகாரின்படி, மாவட்ட சமூக நலத்துறையால், பெரம்பலுார் கூடுதல் மகிளா நீதிமன்றத்தில், 2023 ஜூலை 11 முதல் விசாரணை நடைபெற்று வருகிறது.

இந்நிலையில், வெள்ளிவேலும், அவரது தந்தை துரைசாமியும் வழக்கு விசாரணைக்கு ஆஜராகாமல், தொடர்ந்து வாய்தாவுக்கு மேல் வாய்தா வாங்கி வருவதால் தனலட்சுமி விரக்தி அடைந்தார்.

நேற்று, விசாரணைக்கு நீதிமன்றத்தில் ஆஜராக வந்தபோது, பெரம்பலுார் ஒருங்கிணைந்த நீதிமன்ற வளாகத்திற்குள் உள்ள கழிப்பறைக்கு சென்று எறும்பு பவுடரை கலந்து குடித்து, தனலட்சுமி தற்கொலைக்கு முயன்றுள்ளார்.

அங்கிருந்தவர்கள், அவரை பெரம்பலுார் அரசு மருத்துவமனையில் சிகிச்சைக்காக அனுப்பி வைத்தனர். பெரம்பலுார் போலீசார் விசாரிக்கின்றனர்.