தீபாவளி அன்று, கஞ்சா விற்கும் சிறுவர்கள் சிலர், செட்டிக்குளம் மெயின் ரோட்டில் சென்றவர்களிடம் தகராறு செய்தனர். இதை, தங்கராசு தட்டி கேட்டதுடன், கஞ்சா விற்பனை மற்றும் ரவுடியிசத்தில் ஈடுபடுவதாக பெயர் பட்டியலை போலீசுக்கு கொடுத்ததாக தெரிகிறது. இதனால், தங்கராசை தீர்த்துக்கட்ட, சிறுவர்கள் முடிவு செய்தனர்.

நேற்று முன்தினம் இரவு, 8:00 மணிக்கு, தங்கராசு அவருக்கு சொந்தமான வெங்காய கொட்டகையில், செல்லையா என்பவருடன் பேசிக் கொண்டிருந்த போது, அங்கு வந்த, 16, 17 வயதுடைய இரு சிறுவர்கள் தங்கராசை அரிவாளால் வெட்ட முயன்றனர்.

சுதாரித்த தங்கராசு தடுத்தபோது, மூன்று விரல்களில் வெட்டு விழுந்தது. பாடாலுார் போலீசார், இரு சிறுவர்களை நேற்று கைது செய்து, திருச்சி சீர்திருத்த பள்ளியில் சேர்த்தனர்.