இந்த இடத்தில் தற்போது குடிசைபோட்டு வசித்து வருகிறோம். மழை காலங்களில் கூரை வீடுகள் ஒழுகின்றன. இதனால் குழந்தைகளுடன் பள்ளிக்கூடங்களில் தங்கும் நிலைக்கு தள்ளப்பபட்டுள்ளோம். எனவே தமிழக அரசின் பசுமை வீடுகள் திட்டத்தின் கீழ் எங்களுக்கு வீடு கட்டி தர வேண்டும். சாலை வசதி, கழிவுநீர் வாய்க்கால் வசதி, தெரு விளக்கு, குடிநீர் வசதி உள்ளிட்ட அடிப்படை வசதிகளை செய்து தர வேண்டும். இவ்வாறு அதில் தெரிவிக்கப்பட்டிருந்தது. மனுவை பெற்றுக்கொண்ட எம்.எல்.ஏ., இளம்பை தமிழ்ச்செல்வன் தமிழக அரசின் பசுமை வீடுகள் திட்டத்தின் கீழ் வீடு கட்டி தரவும், சாலை வசதி, கழிவுநீர் வாய்க்கால் வசதி, தெரு விளக்கு, குடிநீர் வசதி உள்ளிட்ட அடிப்படை வசதிகளை நிறைவேற்றப்படும் என உறுதியளித்தார்.