புதுக்கோட்டை:புதுக்கோட்டை மாவட்டம், இலுப்பூர் பகுதியைச் சேர்ந்த லட்சுமணன், 20, இவரது உறவினர் சரவணன், 21. இருவரும், நாட்டு துப்பாக்கியுடன் அருகில் உள்ள காட்டுப் பகுதிக்கு வேட்டைக்கு புறப்பட்டனர். அவர்கள் எடுத்துச் சென்ற நாட்டுத்துப்பாக்கியில் ஏற்பட்ட பழுதை சரி செய்ய, வெல்டிங் பட்டறைக்கு எடுத்து சென்றனர். அங்கு வெல்டிங் செய்து கொண்டிருந்த போது, நாட்டுத் துப்பாக்கியில் நிரப்பி வைத்திருந்த, 'பால்ரஸ்' குண்டுகள் வெடித்துச் சிதறின. அந்த குண்டுகள், லட்சுமணன் வயிற்றில் பாய்ந்தன. பலத்த காயமடைந்த அவரை, மணப்பாறை அரசு மருத்துவமனைக்கு துாக்கி சென்றனர்.