மலை மேல் உள்ள சுப்ரமணியசுவாமி, ஆறுமுகங்களுடன் வள்ளி, தெய்வானையுடன் மயில் மீது அமர்ந்து பக்தர்களுக்கு அருள்பாலித்து வருகிறார்.

இக்கோவிலில் ஆண்டுதோறும் வைகாசி விசாக திருவிழா, கந்த சஷ்டி விழா, தைப்பூச திருவிழா உள்ளிட்ட பல்வேறு திருவிழாக்கள் வெகு விமர்சியாக நடைபெறுவது வழக்கமாகும்.

கடந்த 16ம் தேதி காலை சுப்ரமணியசுவாமி வள்ளி, தெய்வானை மற்றும் கன்னிமூல கணபதி சுவாமிகளுக்கு சிறப்பு அபிஷேக தீபாராதனையுடன், வேலுடன் சேவல் மயில் கொடி ஏற்றி வைத்து ரக்ஷாபந்தனம் என்ற காப்பு கட்டுதலுடன் திருவிழா துவங்கியது.

நேற்று காலை 10.30 மணிக்கு விநாயகர் சிறிய தேரிலும், சுப்ரமணியசுவாமி வள்ளி, தெய்வானையுடன் பெரிய தேரிலும் எழுந்தருளினார். பின்னர், பொதுமக்கள், பக்தர்கள் அரோகரா கோஷத்துடன் தேரின் வடம் பிடித்து, நான்கு ரத வீதிகளின் வழியாக வலம் வந்து மதியம் 1.00 மணிக்கு நிலையை அடைந்தது.