பரமக்குடியில் அசுகரன் விளையாட்டு மையத்தின் பயிற்சியாளர் அருண் பல்வேறு தடகள வீரர்களை உருவாக்கி வருகிறார். இவர் தனது மாணவர்களை தேனியில் யு.எஸ்.ஏ., அத்தலடிக் அகாடமி நடத்திய மாநில அளவிலான தடகளப் போட்டிகளில் பங்கேற்க செய்தார்.

தமிழ்நாடு விளையாட்டு மேம்பாட்டு ஆணைய திடலில் நடந்த போட்டியில் கன்னியாகுமரி, விருதுநகர், துாத்துக்குடி, தேனி, சிவகங்கை, ராமநாதபுரம், மயிலாடுதுறை ஆகிய பல்வேறு மாவட்டத்தைச் சேர்ந்த பல ஆயிரம் வீரர்கள் பங்கேற்றனர்.

ஓட்டம், தொடர் ஓட்டம், நீளம், உயரம் தாண்டுதல், வட்டு, குண்டு, ஈட்டி எறிதல் என்ற பல்வேறு போட்டிகளில் கலந்து கொண்டனர். இதில் அசுகரன் மைய வீரர்கள் 18 தங்கம், 18 வெள்ளி மற்றும் 21 வெண்கலப் பதக்கங்கள் என 57 பதக்கங்களை வென்றனர்.

மேலும் ஒட்டுமொத்த சாம்பியன்ஷிப் 2ம் இடம் பிடித்து சாதனை படைத்தனர். இவர்களை பயிற்சியாளர் மற்றும் பெற்றோர் பாராட்டினர்.