ராமநாதபுரம் ஹிந்து சமய அறநிலையத்துறை உதவிஆணையர் ஞானசேகரன் கூறியிருப்பதாவது:

ஹிந்து சமயஅறநிலையத்துறை கட்டுப்பாட்டில் உள்ள ரூ.10 லட்சத்திற்கு மிகாமல் ஆண்டு வருமானம் உள்ள கோயில்களுக்கு பரம்பரைமுறை வழி சாரா அறங்காவலர்கள் அதாவது மாவட்ட அறங்காவலர் நியமனக் குழு அரசால் நியமனம் செய்யப்படவுள்ளது.

மாவட்டக் குழுவில் உறுப்பினர்கள் நியமித்திட இந்திய குடிமகனாக உள்ள ஹிந்து சமயத்தைச் சார்ந்த 25வயது பூர்த்தியானவர்கள் ஆக.11 அல்லது அதற்குமுன்னதாகவோ விண்ணப்பிக்க வேண்டும்.

மேலும்விபரங்களுக்கு உதவி ஆணையர் அலுவலகம், ஹிந்து சமய அறநிலையத்துறை, எண்.21, வெள்ளைக் கண்ணு மாளிகை,மதுரையார் தெரு, வெளிப்பட்டணம், ராமநாதபுரம் --623 504என்ற முகவரியில் உள்ள அலுவலகத்திற்கு நேரில் வரலாம்.

விண்ணப்ப படிவத்தை உதவி ஆணையர்அலுவலகம், ராமநாதபுரம், பரமக்குடி, திருவாடானை, மற்றும்முதுகுளத்துார் சரக ஆய்வாளர் அலுவலகங்களில் பெற்றுக் கொள்ளலாம் என்றார்.