கோடை காலங்களில் ஹோலி பண்டிகை, காமன் பண்டிகை மற்றும் ஏராளமான விழாக்கள் கொண்டாடப்பட்டு வருகிறது. இதன்படி பழங்கால தமிழர்களின் நினைவுகளை போற்றும் வகையில் பரமக்குடி, எமனேஸ்வரம் மற்றும் சுற்றுவட்டாரப் பகுதிகளில் காமன் பண்டிகை விழா நடந்தது.

இதையடுத்து ஒவ்வொரு தெருக்களின் சந்திப்புகளிலும் மன்மதனை நினைவுகூறும் வகையில் மரத்தை நட்டு பூஜித்தனர். தினமும் பொங்கல் வைத்தும், மாவிளக்கு ஏற்றியும் பூஜைகள் நடத்தப்பட்டது.

நேற்று முன்தினம் இரவு காம தகன விழாவில் சிவன் தவத்தை கலைக்க சென்ற மன்மதனை எரிக்கும் நிகழ்ச்சி நடந்தது.

மேலும் நேற்று ரதியின் வேண்டுகோளுக்கு இனங்க மன்மதனை எழுப்பும் நிகழ்ச்சி நடத்தப்பட்டது.

விழாவில் ஆண் குழந்தைகள் உட்பட இளைஞர்கள் பலரும் ரதி, மன்மதன், முருகன், விநாயகர், சிவன் உள்ளிட்ட வேடம் அணிந்திருந்தனர்.