கமுதியில் இருந்து கோட்டைமேடு, கருங்குளம், பேரையூர், சித்திரக்குடி வழியாக முதுகுளத்துாருக்கு ரோடு வசதி உள்ளது.

இவ்வழியில் அடிக்கடி ரோடு சேதமடைந்து குண்டும் குழியுமாக மாறி வந்தது. கோட்டைமேடு அருகே உள்ள சேகநாதபுரம் வரை 500 மீட்டருக்கு மேல் ரோடு சேதமடைந்துள்ளது.

இதையடுத்து புதிதாக தார் ரோடு அமைக்கப்பட்டது. கடந்த சில நாட்களுக்கு முன்பு பணி முடிவடைந்த நிலையில் கமுதி--முதுகுளத்துார் ரோடு கோட்டைமேடு களஞ்சியம் நகர் அருகே வளைவில் உள்ள வேகத்தடை முன்பு ரோடு சேதமடைந்துள்ளது.

புதிதாக அமைக்கப்பட்ட ரோடு சில நாட்களில் சேதமடைந்துள்ளதால் வாகன ஓட்டிகள் சிரமப்படுகின்றனர்​. இதனால் அரசின் நிதி வீணடிக்கப்படுகிறது.

எனவே அதிகாரிகள் ஆய்வு செய்து முறையாக பணி செய்ய நடவடிக்கை எடுக்க வேண்டும் என்று வாகன ஓட்டிகள் கோரிக்கை விடுத்தனர்.