படிப்பகம் காற்றோட்டமான விசாலமான சூழலில் அமைக்கப்பட்டுள்ளது. இங்கு நாளிதழ்கள் தினமும் வாங்கப்பட்டு காலை முதல் இரவு வரை இளைஞர்கள் முதல் முதியவர்கள் வரை படிக்கின்றனர்.

மேலும் போட்டித் தேர்வுகளுக்கு தயாராகின்றவர்களும் அமைதியான சூழலை கருத்தில் கொண்டு இங்கு படிப்பதை வாடிக்கையாக கொண்டுள்ளனர்.

இந்நிலையில் கடந்த பல மாதங்களாக மின் விசிறிகள் செயல்படாமல் உள்ளது. இங்குள்ள இரண்டு டியூப் லைட்டுகளில் ஒன்று மட்டும் எரிந்த நிலையில் இரண்டு நாட்களாக அதுவும் பியூஸ் போனது.

தொடர்ந்து தேவையற்ற குப்பை தேங்கி துாசு மண்டலமாகி வருகிறது.

படிப்பகம் காலை 6:00 மணிக்கு துவங்கி மதியம் 12:00 மணி வரை, மதியம் 3:00 மணி முதல் இரவு 7:00 மணி வரை செயல்பட வேண்டும்.

ஆனால் போதிய வெளிச்சம் இல்லாமல் கோடை காலமாக இருப்பதாலும் இங்கு வரும் வாசகர் எண்ணிக்கை குறைந்து வருகிறது.

படிப்பகத்தை சீரமைக்க அதிகாரிகள் நடவடிக்கை எடுக்க வேண்டும்.