ஆர்.எஸ்.மங்கலம், சுற்றுப்புற பகுதிகளில் இருந்து ஆண்டுதோறும் வேளாங்கண்ணியில் நடக்கும் திருவிழாவிற்கு அதிகஅளவில் பக்தர்கள் சென்று வருவது வழக்கம். இந்நிலையில் இந்த ஆண்டு ஆக.29ல் வேளாங்கண்ணியில் விழா கொடியேற்றத்துடன் துவங்கி முக்கிய விழா செப்.8ல் நடக்கிறது.

இதனால் பரமக்குடி, ஆர்.எஸ்.மங்கலம் மற்றும்சுற்றுப்புற பகுதிகளில் இருந்து அதிகளவில் பக்தர்கள் செல்வதற்கு தயாராகி வருகின்றனர். ஆனால் இப்பதிகளில் இருந்து வேளாங்கண்ணிக்கு செல்வதற்கு போதிய பஸ் வசதி இல்லாததால் ஆண்டு தோறும் பக்தர்கள் சிரமத்தை சந்திக்கின்றனர்.

எனவே, பரமக்குடியில் இருந்து ஆர்.எஸ். மங்கலம், தொண்டி வழியாக வேளாங்கண்ணிக்கு சிறப்பு பஸ்கள் இயக்க அரசு நடவடிக்கை எடுக்க வேண்டும் என பக்தர்கள் வலியுறுத்தினர். இதனால் பரமக்குடி, ஆர்.எஸ்.மங்கலம், தொண்டி உள்ளிட்ட சுற்று வட்டார பகுதிகளில் இருந்து செல்லும் பக்தர்கள் பயனடைவார்கள்.