தொண்டி அருகே பாசிபட்டினத்தில் சர்தார் நெய்னா முகமது தர்கா உள்ளது.

இங்கு மத நல்லிணக்க சந்தனக்கூடு திருவிழாவை முன்னிட்டு நேற்று முன்தினம் இரவு 10:00 மணிக்கு கொடியேற்றத்துடன் விழா துவங்கியது.

முன்னதாக தர்கா முன் கொடியேற்றம் பீடத்தில் அடிமரம் நடும் நிகழ்ச்சி நடந்தது. மேளதாளங்கள் முழங்க கொடி ஊர்வலம் நடந்தது.

மத நல்லிணக்கத்திற்கு எடுத்துக்காட்டாக திகழும் இவ்விழாவில் கலியநகரி, வட்டாணம், ஸ்தானிகன்வயல், எஸ்.பி.பட்டினம், மருங்கூர் உள்ளிட்ட 17 க்கும் மேற்பட்ட கிராமங்களை சேர்ந்த அனைத்து மதத்தினரும் கலந்து கொண்டனர்.

விழாவின் முக்கிய நிகழ்வாக ஜூலை 21 ல் சந்தனக்கூடு விழா நடக்கிறது. விழா ஏற்பாடுகளை விழா கமிட்டியாளர்கள் செய்து வருகின்றனர்.

விழாவை முன்னிட்டு தர்கா வண்ண மின் விளக்குகளால் அலங்கரிக்கப்பட்டுள்ளது.