அப்போது டூவீலரில் வந்த முதுகுளத்துார் மேலகன்னிசேரியை சேர்ந்த வையாபுரி மகன் அருண்குமார் 25, செலவுக்கு மகாலட்சுமியிடம் பணம் கேட்டுள்ளார். தர மறுத்ததால் அவரது கழுத்தில் கத்தியை வைத்து மிரட்டி ஒன்றே கால் பவுன் செயினை பறித்துச் சென்றார்.

மகாலட்சுமி புகாரில் முதுகுளத்துார் போலீசார் அருண்குமாரை கைது செய்தனர்.

இவர் மீது முதுகுளத்துார், பேரையூர், மதுரை மாவட்டம் ஊமச்சிகுளம், அவனியாபுரம், கரிமேடு, கீரைத்துறை, தெப்பக்குளம் ஆகிய போலீஸ் ஸ்டேஷன்களில் வழக்குகள் உள்ளன.

ஏற்கனவே குண்டர் சட்டத்தில் கைது செய்யப்பட்டு சிறை தண்டனை அனுபவித்து விட்டு வெளியில் வந்துள்ளார். இவரை மீண்டும் குண்டர் சட்டத்தில் கைது செய்ய எஸ்.பி., சந்தீஷ் கலெக்டர் சிம்ரன்ஜீத்சிங் காலோனுக்கு பரிந்துரை செய்தார்.

குண்டர் சட்டத்தில் கைது செய்ய கலெக்டர் உத்தரவிட்டதன் பேரில் அருண்குமார் மதுரை மத்திய சிறையில் அடைக்கப்பட்டார்.