நேற்று முன்தினம் மாலை 6:00 மணிக்கு வழிகாட்டி பாலமுருகன் கோயிலில் இருந்து உற்ஸவர்கள் செல்வ விநாயகர், வழிகாட்டி பாலமுருகன் வீதி உலா புறப்பாடு நடந்தது. பின்னர் ஏராளமான பெண்கள் பங்கேற்ற விளக்கு பூஜை நடந்தது.

நேற்று காலை 8:00 மணிக்கு முத்துச்சாமிபுரம் ஆதி விநாயகர் கோயிலில் இருந்து பால்குடம், சேவல் காவடிகள் புறப்பட்டு முக்கிய வீதிகள் வழியாக கோயிலை வந்தடைந்தது. நேற்று காலை 11:00 மணிக்கு மூலவருக்கு பங்குனி உத்தரத்தை முன்னிட்டு சிறப்பு அபிஷேக அலங்கார தீபாராதனைகள் நடந்தது. மாலையில் மயில் காவடி, பறவை காவடிகள் புறப்பாடு நடந்தது. ஏற்பாடுகளை ஹிந்து நாடார் உறவின்முறை சங்கத்தினர் மற்றும் விழாக் குழுவினர் செய்திருந்தனர்.