இக்கோயிலில் ஏப்.18ல் காப்பு கட்டுதலுடன் துவங்கி சித்திரை திருவிழா நடந்தது. ஏப்.23 அதிகாலை கள்ளழகர் வைகை ஆற்றில் இறங்கினார். தொடர்ந்து குதிரை வாகனம், சேஷ, கருட வாகனம், ராஜாங்க திருக்கோலம் என அருள்பாலித்தார்.

நேற்று முன்தினம் இரவு 7:00 மணிக்கு அழகர் நின்ற திருக்கோலத்தில் கண்டாங்கி பட்டுடுத்தி ஈட்டி ஏந்தி பூ பல்லக்கில் அமர்ந்தார். பல்வேறு மண்டகப் படிகளில் சேவை சாதித்து காலை 5:00 மணிக்கு கோயிலை அடைந்தார். வழி நெடுகிலும் பக்தர்கள் தரிசனம் செய்தனர். விழா நாட்களில் கோயில் முழுவதும் வண்ண விளக்குகளால் அலங்கரிக்கப்பட்டிருந்தது.