பரமக்குடி, இளையாங்குடி ரோட்டில் தாலுகா அலுவலகம் செயல்படுகிறது. இங்கு கருவூலம், வட்ட வழங்கல் அலுவலகம், மாற்றுத்திறனாளிகள் அலுவலகம் என அனைத்தும் இயங்குகிறது. மேலும் இ-சேவை மையங்கள், வி.ஏ.ஓ., அலுவலகம், பெண்கள் சிறைச்சாலை என உள்ளே இருக்கிறது.

தொடர்ந்து தாசில்தார் குடியிருப்பு வளாகம் பகுதியில் இருந்த காம்பவுண்ட் சுவர் ஒட்டுமொத்தமாக சாய்ந்து விபத்தை ஏற்படுத்தும் வகையில் இருந்தது.

இதனை ஒட்டி பஸ் ஸ்டாப் செயல்படுவதால் மக்கள் அச்சத்துடன் இருந்து வந்தனர். இதுகுறித்து ஜன.,4ல் தினமலர் நாளிதழில் செய்தி வெளியாகியது. இதன் காரணமாக தாலுகா அலுவலக காம்பவுண்ட் சுவர் முழுமையாக இடிக்கும் பணி நடக்கிறது.