ADDED : ஜூலை 14, 2026 06:13 PM
அ நிறம் | அளவு
தேவிபட்டினம்: தேவிபட்டினம் அருகே பனைகுளம் நுாலகத்தில் அப்பகுதி மக்களும், பள்ளி கல்லுாரி மாணவர்களும் பயனடைகின்றனர். நுாலகத்தின் நுழைவு வாயில் முன்புறம் உள்ள காலி இடத்தில் கட்டுமான பொருட்களான ஜல்லி, செங்கல் உள்ளிட்டவை கொட்டப்பட்டு பல நாட்களாக அகற்றப்படாததால் வயதான வாசகர்கள் பாதிக்கப்படும் நிலை உள்ளது.
பல்வேறு போட்டி தேர்வுக்கு தயாராகும் இளைஞர்களும் பாதிக்கப்படும் நிலை உள்ளது. எனவே சம்பந்தப்பட்ட ஊராட்சி நிர்வாகம் நுாலகம் முன்பு கட்டுமானப் பொருட்களை அகற்ற நடவடிக்கை எடுப்பதுடன், மீண்டும் ஆக்கிரமிப்பு ஏற்படாமல் தடுக்க வேண்டும் என அப்பகுதி மக்கள் வலியுறுத்தினர்.
