ராமநாதபுரம் : ராமநாதபுரம் சாலைத்தெருவில் ரோட்டின் இருபுறங்களிலும் கண்டபடி வாகனங்களை நிறுத்துவது, நடைபாதை ஆக்கிரமிப்பால் போக்குவரத்து நெரிசலில் சிக்கி வாகன ஓட்டிகள் சிரமப்படுகின்றனர். ராமநாதபுரம் சாலைத்தெருவில் ஓட்டல்கள், மீன் மார்க்கெட், வங்கி என நிறைய வர்த்தக நிறுவனங்கள் செயல்படுகின்றன. இந்த ரோட்டில் எப்போதுமே வாகன போக்குவரத்து அதிகமாக உள்ளது. நாளுக்கு நாள் நடை பாதை ஆக்கிரமிப்புகள் அதிகரித்துள்ளன.