மண்டபம் முகாமைச் சேர்ந்த இலங்கை அகதிகள் ரஜிந்தி, அம்பிகா, கிஹாளினி, கலைச்செல்வி, அக்கினேஸ்வரி, செல்வராஜ், ராஜனி, தர்ஷிக்கா உள்ளிட்டோர் கலெக்டர் அலுவலகத்தில் மனு அளித்தனர்.

அகதிகள் கூறியதாவது: பொருளாதார நெருக்கடி காரணமாக இலங்கையில் இருந்து 2022, 2023ல் படகு வழியாக இந்தியாவிற்கு வந்தோம். மீண்டும் தாயகம் செல்ல விரும்புகிறோம்.

பாஸ்போர்ட் வழங்க கோரி இந்திய துாதரகத்தில் பதிவுசெய்து 2 ஆண்டுகளாக 8 குடும்பத்தினர் அலைகிறோம். இனிமேல் தமிழகத்திற்கு வரமாட்டோம்.

எங்களது விருப்பத்தை புரிந்துகொண்டு இலங்கைக்கு செல்வதற்கு பாஸ்போர்ட் வழங்க மத்திய, மாநில அரசுகள் உதவ வேண்டும் என்றனர்.