பரமக்குடியில் உள்ள பள்ளிகளில் தலைமை ஆசிரியர்கள், நிர்வாகிகள் மாணவர்களுக்கு மாலை அணிவித்தும், பூங்கொத்து கொடுத்தும், நெற்றியில் திலகமிட்டும் வரவேற்றனர்.

பரமக்குடி அருகே சோமநாதபுரம் சவுராஷ்ட்ரா தேசிய நடுநிலைப் பள்ளியில் தாளாளர் குப்புசாமி வரவேற்றார். தலைமை ஆசிரியை ஸ்ரீதேவி மாணவர்களுக்கு திலகமிட்டு மாலை அணிவித்தார்.

பரமக்குடி அரசு பெண்கள் மேல்நிலைப் பள்ளியில் தலைமை ஆசிரியை சரோஜா உள்ளிட்ட ஆசிரியர்கள் மாணவிகளுக்கு பூங்கொத்து கொடுத்து ஆரத்தி எடுத்து வரவேற்றனர். இதே போல் பாரதியார் நடுநிலைப் பள்ளியில் மாணவர்களுக்கு திலகமிட்டு ஆசிரியர்கள் வரவேற்றனர்.