பெரியபட்டினம் கொல்லம் தோப்பு விவசாயி பாண்டித்துரை: தற்போது பனை மரத்தில் இருந்து நன்கு பழுத்த மணம் வீசக்கூடிய பனம்பழங்கள் தானாக தரையில் விழுகின்றன. நுாற்றுக்கணக்கான பனை விதைகளை (கொட்டைகள்) சேகரிப்பு செய்யும் விவசாயிகள் அவற்றை மணற்பாங்கான இடத்தில் வரிசையாக அடுக்கி வைத்து அவற்றின் மீது மணலை மேவி வாரத்திற்கு இரண்டு முறை தண்ணீர் விட்டு பராமரிப்பார்கள்.

மழைக்காலங்களில் தண்ணீர் தேவையில்லை. அதே நேரம் அதிகமாக தண்ணீர் தேங்கி அழுகாமல் மழை நேரத்தில் பாதுகாக்க வேண்டும். முறையாக பராமரிப்பு செய்தால் கொட்டையில் இருந்து வெளிவரும் கிழங்கு நன்கு பருமனாகவும் திரட்சியாகவும் இருக்கும்.

ரெகுநாதபுரம் சுற்றுவட்டார பகுதியில் 50க்கும் மேற்பட்ட கிராம மக்களின் பிரதான தொழிலாக பனங்கிழங்கு விளைவிப்பது உள்ளது. இங்கு விளைவிக்கப்படும் பனங்கிழங்கு ராமநாதபுரம், பரமக்குடி, மதுரை உள்ளிட்ட பல பகுதிகளுக்கு வியாபாரிகள் மூலம் அனுப்பி வைக்கப்படுகிறது. தை, மாசி மாதங்களில் விற்பனைக்காக பனங்கிழங்குகள் பறிக்கப்படுகிறது என்றார்.