இக்கோயில் சித்திரை திருவிழா ஏப்.14ல் கொடியேற்றத்துடன் துவங்கியது. விழாவின் முக்கிய நிகழ்வாக நேற்று காலை தேரோட்டம் நடந்தது.

காலை 9:00 மணிக்கு சிவாச்சாரியார்கள் மணிகண்டன், வல்மீகநாதன் தலைமையில் வேத மந்திரங்கள் முழங்க தீபாராதனையுடன் துவங்கியது. ஏராளமான பக்தர்கள் வடம் பிடித்து இழுத்தனர். காலை 10:00 மணிக்கு கோயில் முன் தேர் நிறுத்தபட்டு மீண்டும் மதியம் 3:30 மணிக்கு துவங்கி 5:00 மணிக்கு நிலையை அடைந்தது. செயல் அலுவலர் செந்தில்குமார், கவுரவ கண்காணிப்பாளர் சுந்தர்ராஜன் மற்றும் கிராமத்தினர் கலந்து கொண்டனர்.