இதனை முன்னிட்டு அபிராமம் பாதயாத்திரை பக்தர்கள் குழு சார்பில் அபிராமம் துர்கை அம்மன் கோயிலில் இருந்து கிராமத்தின் முக்கிய வீதிகளில் பக்தர்கள் பால்குடம், காவடி, வேல்குத்தி பாதயாத்திரையாக முருகன் கோயிலுக்கு சென்றனர்.

பின் முருகனுக்கு பாலபிஷேகம் நடந்தது. அன்னதானம் வழங்கப்பட்டது. கிருத்திகை சிறப்பு பூஜையாக குமரக்கடவுள் முருகனுக்கு பால், சந்தனம், மஞ்சள், பழங்கள், திரவிய பொடி உட்பட 33 வகை அபிஷேகம் நடந்தது.

பின் 108 சங்காபிஷேகம் நடந்தது.

விழாவில் கமுதி, பரமக்குடி, அபிராமம், முதுகுளத்துார் உள்ளிட்ட பல்வேறு பகுதியில் இருந்து பலர் கலந்து கொண்டனர்.