திருப்புல்லாணி தெற்குத்தெருவைச் சேர்ந்த முத்து கிருஷ்ணன் சேதுக்கரை உள்ளிட்ட பகுதிகளில் புரோகிதம் செய்து வருகிறார். ஒரு மாதத்திற்கு முன்பு இவரது தந்தை இறந்ததால் அதற்கான பூஜையில் இருந்துள்ளார். நேற்று முன்தினம் காலை 7:00 மணிக்கு வீட்டை விட்டு குடும்பத்துடன் வெளியில் சென்றவர் இரவு 10:00 மணிக்கு திரும்பினார். அப்போது வீட்டின் கதவு, பூட்டு உடைக்கப்பட்டிருந்தது. உள்ளே பீரோவை உடைத்து அதிலிருந்த 38 பவுன் நகைகள், 5 கிலோ வெள்ளி பாத்திரங்கள், பூஜை பொருட்கள், ரூ.10 ஆயிரத்தை மர்ம நம்பர்கள் கொள்ளையடித்துச் சென்றது தெரிய வந்தது.

இதுகுறித்து முத்துகிருஷ்ணன் திருப்புல்லாணி போலீசில் புகார் அளித்தார். எஸ்.ஐ., சிவசாமி மற்றும் போலீசார் கொள்ளையர்களை தேடி வருகின்றனர்.