காலை 8:10 மணிக்கு அருப்புக்கோட்டையில் இருந்து முதுகுளத்துார் வழியாக ராமேஸ்வரம் மற்றும் காலை 8:55 மணிக்கு ராஜபாளையத்தில் இருந்து முதுகுளத்துார் வழியாக ராமேஸ்வரம் வரை அரசு பஸ் இயக்கப்பட்டு வருகிறது. இரு பஸ்களிலும் ராமநாதபுரம் செல்வதற்காக காத்திருக்கும் அரசு பணியாளர்கள், பொதுமக்கள் படிகளில் தொங்கிய படியும் ஆபத்தான முறையில் பயணம் செய்கின்றனர்.

குழந்தைகள், முதியவர்கள் சிரமப்படுகின்றனர். இதனால் ஒரு சிலர் கூடுதல் பணம் செலவு செய்து பரமக்குடி வழியாக சுற்றி செல்லும் அவலநிலை உள்ளது.

இதனால் குறிப்பிட்ட நேரத்திற்கு செல்ல முடியவில்லை. எனவே காலை நேரத்தில் பொதுமக்களின் நலன் கருதி முதுகுளத்துாரில் இருந்து கூடுதலாக ராமநாதபுரத்திற்கு அரசு பஸ் இயக்க நடவடிக்கை எடுக்க வேண்டும் என மக்கள் வலியுறுத்தினர்.