ஆர்.எஸ்.மங்கலம் பெரிய கண்மாய் மூலம் 12 ஆயிரத்து 142 ஏக்கரில் விவசாய நிலங்கள் பயனடைகின்றன. இந்நிலையில் பெரிய கண்மாயில் தற்போது கோடை சாகுபடி செய்யும் அளவிற்கு இரண்டு அடி தண்ணீர் உள்ளது. பெரிய கண்மாய் பாசனப் பகுதிகளில் சாகுபடி செய்யப்பட்டிருந்த நெற்பயிர் தற்போது 70 சதவீதம் அறுவடை செய்யப்பட்டு விட்டன.

இந்நிலையில் அறுவடை செய்யப்பட்ட வயல்களில் பெரிய கண்மாயில் உள்ள தண்ணீரை பயன்படுத்தி விவசாயிகள் கோடைக்கால சிறு தானிய பயிர்களான உளுந்து, தட்டை உள்ளிட்ட சிறு தானிய பயறு வகைகளும், எள், பருத்தி உள்ளிட்ட பயிர்களும் சாகுபடி செய்து பயனடைமாறு ஆர்.எஸ்.மங்கலம் வேளாண் உதவி இயக்குனர் ராஜலட்சுமி தெரிவித்தார்.