சாயல்குடி பேரூராட்சி வி.வி.ஆர்., நகரில்இரண்டு வாடகை கட்டடத்தில் அங்கன்வாடி மையம் செயல்படுகிறது.

வி.வி.ஆர்., நகரில் சிமென்ட் கூரை கட்டடத்தில் இயங்கும் அங்கன்வாடி மையத்தில் 20 குழந்தைகள் உள்ளனர்.வெயில் காலங்களில் அங்கன்வாடி மையத்தில் சிறு குழந்தைகள் சிரமப்படுகின்றனர்.

பேருட்சி வி.வி.ஆர்., நகர் 14வது வார்டு கவுன்சிலர் காமராஜ் கூறியதாவது:

கடந்த 1986ல் கட்டப்பட்ட பழைய அங்கன்வாடி கட்டடம் சேதமடைந்ததால் 15 ஆண்டுகளுக்கும் மேலாக தனியார் கட்டடத்தில் இயங்கி வருகிறது.

எனவே அங்கன்வாடி கட்டடத்தை சிறு குழந்தைகளின் நலன் கருதி பழைய கட்டடத்தை இடித்துவிட்டு அதில் புதிய கட்டடம் கட்ட நடவடிக்கை எடுக்க வேண்டும்.

இது குறித்து பேரூராட்சி கூட்டத்திலும் கோரிக்கை மனு அளித்துள்ளேன் என்றார்.