தொண்டி அருகே எஸ்.பி.பட்டினத்தில் 2ஏ.டி.எம்., உள்ளது. 20 நாட்களுக்கும் மேலாக இயந்திரக் கோளாறு காரணமாக ஏ.டி.எம்., இயங்காமல் உள்ளது. சுற்றுவட்டார கிராம மக்கள் சிரமம் அடைந்துள்ளனர். இது குறித்து ஓரியூர் சசி கூறியதாவது: ஓரியூரில் தனியார் வங்கி ஏ.டி.எம்., உள்ளது. அந்த ஏ.டி.எம்., செயல்படாததால் 5 கி.மீ.,ல் உள்ள எஸ்.பி.பட்டினத்திற்கு செல்கிறோம். அங்குள்ள இரு ஏ.டி.எம்.,களும் இயங்காமல் உள்ளது. இதனால் 20க்கும் மேற்பட்ட கிராம மக்கள் சிரமம் அடைந்துள்ளனர். ஏ.டி.எம்., செயல்பட வங்கி அதிகாரிகள் நடவடிக்கை எடுக்க வேண்டும் என்றார்.