தற்போது சாகுபடி செய்யப்பட்டுள்ள நெல் வயல்களில் நெல்மணிகள் உருவாகி வருகின்றன. இந்நிலையில் விளையக்கூடிய நெல்மணிகளை சேதப்படுத்தும் வகையில் ஏராளமான எலிகள் வயில்களில் உள்ளன.

இவற்றை தடுப்பதற்காக வயல்வெளிகளில் மூன்றடி உயரத்திற்கு வைக்கோலால் சுற்றப்பட்ட குச்சி ஊன்றப்பட்டு பறவைகள் வந்து அமரும் வகையில் மேடை அமைக்கப்பட்டுள்ளது.

விவசாயிகள் கூறுகையில், இதுபோன்ற பறவை மேடைகளால் விவசாயிகளுக்கு தொல்லை தரக்கூடிய எலிகளை வேட்டையாடக் கூடிய பறவைகள் நெல் வயல்களின் நடுவே அமர்ந்து அவற்றை கண்காணித்து இரையாக எடுத்துக் கொள்வதற்கு வசதியாக இருக்கும்.

பெரும்பாலான எலித் தொல்லைகளுக்கு இது பயனுள்ளதாக அமைகிறது என்றனர்.