படுகாயம் அடைந்த பாலகணபதி சிவகங்கை மருத்துவக் கல்லுாரி மருத்துவமனையில் அனுமதிக்கப்பட்டார். போலீசார் அப்பகுதியில் உள்ள சிசிடிவி கேமராக்களை ஆய்வு செய்தனர். விசாரணையில் ரியல் எஸ்டேட் தொழில் தொடர்பாக பாலகணபதிக்கும் இலுப்பைகுளம் முத்துமீராவுக்கும் இருந்த முன்விரோதத்தில் தாக்குதல் நடந்தது தெரியவந்தது.

இதையடுத்து இன்ஸ்பெக்டர் சதீஷ்குமார் வழக்குப் பதிந்து இலுப்பைகுளம் முத்துமீரா 46, முத்து சூரியகுமார் 32, முத்துராமலிங்கம் 41, ஆதனகுறிச்சி கண்ணதாசன் 31, காணிக்கூர் ராஜேஷ் 31, சின்னமணக்குளம் லட்சுமணன் 44, மருதங்கநல்லுார் திருமுருகன் 48, ஆகியோரை கைது செய்தார்.