முதுகுளத்துார் அதனை சுற்றியுள்ள கிராமங்களுக்கு ரோட்டோர ராட்சத குழாய் மூலம் காவிரி குடிநீர் சப்ளை செய்யப்படுகிறது. முதுகுளத்துார் -பரமக்குடி ரோடு வழிவிடு முருகன் கோயில் அருகே காவிரி குழாயில் உடைப்பு ஏற்பட்டு குடிநீர் வீணாகிறது.

சுற்றியுள்ள கிராமங்களுக்கு குடிநீர் தட்டுப்பாடு அபாயம் உள்ளது. ரோட்டோரத்தில் உடைந்துள்ளதால் ரோடு சேதமடைகிறது. எனவே காவிரி குடிநீர் குழாய் உடைப்பை சரி செய்ய அதிகாரிகள் நடவடிக்கை எடுக்க வேண்டும் என்று மக்கள் கோரிக்கை விடுத்தனர்.