மாலை 4:00 மணிக்கு திருப்புல்லாணி பெருமாள் கோயிலின் நான்கு ரத வீதிகளிலும் தீப ஆரத்தி குழுவினர் நாமாவளி பாடியவாறு உலா வந்தனர். மாலை 6:30 மணிக்கு சக்கர தீர்த்த தெப்பக்குளம் படித்துறையில் ஐந்து வகை அலங்கார தீபாராதனைகள், துாபக்கால்கள் காண்பிக்கப்பட்டது. முன்னதாக தெப்பக்குளத்திற்கு சிறப்பு அபிஷேகம் நடந்தது. படிக்கட்டுகளில் நுாற்றுக்கணக்கான நெய் தீபங்களை பெண்கள் ஏற்றினர்.

ஏற்பாடுகளை தர்மரக்சன சமிதி, ஆன்மிக அமைப்புகள், ராமேஸ்வரம் ராமசேது மகா சமுத்திர தீர்த்த ஆரத்தி குழுவினர் செய்திருந்தனர்.