மார்கழி முதல் நாள் முதல் 29 நாட்கள் வரை ராமேஸ்வரம் கோயிலில் தனுர்(மார்கழி)மாதம் பூஜை நடக்கும். அதன்படி டிச.16 முதல் ஜன.13 வரை கோயில் நடை அதிகாலை 3:30 மணிக்கு திறக்கப்பட்டு 4:00 மணி முதல் 4:30 மணி வரை ஸ்படிகலிங்க பூஜை தரிசனம் நடக்கும்.

இதனைத் தொடர்ந்து அதிகாலை 5:00 மணிக்கு தனுர் மாத திருப்பள்ளி எழுச்சி பூஜையும், தேவாரம், திருவெம்பாவை ஓதுதல், மகாதீபாராதனை நடக்கும். காலை 6:00 மணிக்கு திருவனந்தல் பூஜை, காலை 7:30 மணிக்கு விளா பூஜை, காலை 10 :00 மணிக்கு காலசந்தி பூஜை, மதியம் 12:00 மணிக்கு உச்சிகால பூஜை, 1:00 மணிக்கு கோயில் நடைசாத்தல், மதியம் 3:00 மணிக்கு நடை திறந்து 3:30 மணிக்கு பக்தர்கள் தரிசனத்திற்கு அனுமதிக்கப்படுவர்.

மாலை 6:00 மணிக்கு சாயரட்சை பூஜை, இரவு 8:00 மணிக்கு அர்த்தஜாம பூஜை, இரவு 8:30 மணிக்கு பள்ளியறை பூஜை நடக்கும். மார்கழி மாத உற்சவத்தில் சுவாமி புறப்பாடு நாளில் பூஜை நேரங்கள் மாறுதலுக்கு உட்பட்டவை என கோயில் இணை ஆணையர் சிவராம்குமார் தெரிவித்தார்.