கலெக்டர் சிம்ரன்ஜீத் சிங் காலோன் தலைமை வகித்து சந்தையை திறந்து வைத்து கூறியதாவது: மகளிர் சுய உதவிக்குழுக்களை ஊக்கப்படுத்த அவர்கள் தயாரிக்கும் பொருட்களை சந்தைப்படுத்திடும் வகையில் இந்த கண்காட்சி நடக்கிறது.

மாவட்டத்தில் நடப்பு ஆண்டிற்கு 7 மகளிர் கல்லுாரிகளில் நடத்த திட்டமிட்டு முதல் கண்காட்சியாக செய்யது அம்மாள் கல்லுாரியில் துவங்கப்பட்டுள்ளது. ராமநாதபுரம், மதுரை, சிவகங்கை, விருதுநகர் மாவட்டங்களைச் சேர்ந்த 32 மகளிர் குழுக்கள் ஒருங்கிணைந்து 35 அரங்குகளில் பொருட்கள் சந்தைப்படுத்தப்பட்டுள்ளது. கண்காட்சி 3 நாட்கள் நடைபெறும் என்றார்.

இந்நிகழ்ச்சியில் கூடுதல் கலெக்டர் திவ்யான்ஷு நிகம், மகளிர் திட்ட உதவி அலுவலர் தங்கப்பாண்டியன், செய்யது அம்மாள் கல்லுாரி செயலர் பாரூக் அப்துல்லா, முதல்வர் பாலகிருஷ்ணன், பேராசிரியர்கள், மாணவர்கள் பங்கேற்றனர்.